Өндіріс ауылының ЖОББ мектебінде оқушылардың ғылыми-зерттеу дағдыларын қалыптастыру және олардың шығармашылық әлеуетін дамыту мақсатында "Зерттеу жұмыстары апталығы" ұйымдастырылды. Апталық барысында пән мұғалімдері тарапынан бағыт-бағдар беру, тақырып таңдауда көмек көрсету, материал жинақтау, зерттеу әдістерін түсіндіру және жобаны рәсімдеу бойынша жүйелі жетекшілік пен кеңес беру жұмыстары жүргізілді. Мұғалімдер оқушылардың қызығушылықтары мен қабілеттерін ескере отырып, өзекті және практикалық маңызы бар зерттеу тақырыптарын ұсынды. Әр оқушыға жеке жоспар жасалып, жұмыс кезеңдері (мақсат, міндет, болжам, әдістер, тәжірибе, қорытынды) нақты айқындалды. Ғылыми әдебиеттерді іздеу жолдары, деректерді сараптау, сұрыптау дағдылары түсіндірілді. Табиғаттану, биология, физика, химия пәндері бойынша қажетті құралдармен қамтамасыз етіліп, қауіпсіздік ережелері түсіндірілді. Жазбаша мәтінді ғылыми стильге сәйкестендіру, презентация жасау, нәтижелерді график, кесте түрінде көрсету бойынша нұсқаулық берілді. Белгіленген кесте бойынша әр пән мұғалімі оқушылардың сұрақтарына жауап беріп, туындаған қиындықтарды талқылады. Дарынды әрі белсенді оқушылармен жеке жұмыс жүргізілді. Топтық кеңестерде ортақ мәселелер бірге талданып, тиімді шешу жолдары ұсынылды. Ғылыми мақалалар, онлайн кітапханалар, дереккөздер бойынша ақпарат ұсынылды. Жұмыстарын қорғау үшін сөйлеу мәдениеті, уақытты тиімді бөлу, визуалды материалдар таңдау бойынша кеңестер берілді.