Тақырыбы: Қауіпсіз қоғам: “Жол белгілері және олардың мақсаты” 2026 жылдың 16.02 күні 7- сыныбында Қауіпсіз қоғам: “Жол белгілері және олардың мақсаты” тақырыбында тәрбие сағаты өткізілді. Мақсаты: Оқушыларды жол белгілерінің топтарымен (ескерту, тыйым салу, нұсқау және т.б.) таныстыру және олардың атқаратын қызметін түсіндіру. Қауіпсіздік сабағы «Бейтаныс адамдармен қарым-қатынас кезіндегі қауіпті сигналдар» Мақсаты: Оқушыларға қауіпті жағдайларды алдын ала тануды үйрету және «жоқ» деп айту дағдысын қалыптастыру. Оқушыларға көшеде, жолда ортадағы қауіпсіздік ережелері туралы түсінік беру. «Балалар, қауіпті адам міндетті түрде кинодағыдай бетперде киген немесе ашулы адам емес. Көбінесе олар өте сыпайы, жылы жүзді көрінуі мүмкін. Негізгі бөлім: Қауіпті сигналдар Оқушыларға бейтаныс адаммен сөйлескенде «қызыл жарық» жағылатын мына белгілерді есте сақтау керек: Көмек сұрау (Ересек адамның баладан көмек сұрауы): Ересек адам ешқашан бейтаныс баладан көмек сұрамауы керек. Егер ол: «Маған мына ауыр жүкті көтеруге көмектесші», «Көлігімнің ішіндегі затымды алып берші» немесе «Жол көрсетіп жіберші» десе — бұл басты қауіп сигналы. Артық жақындық (Жеке шекараны бұзу): Егер бейтаныс адам тым жақын келіп сөйлессе, қолыңнан ұстағысы келсе немесе иығыңнан құшақтаса — бұл қауіпті. Әрқашан «қол созым» қашықтығын сақтау керек. Құпия сақтауды өтіну: «Бұл біздің арамыздағы құпия болсын, анаңа айтпа» немесе «Сен ересексің, мұны ешкім білмесін» десе — бұл алдаудың белгісі. Сыйлық немесе ақша ұсыну: Тегін ойыншық, кәмпит, ақша немесе «жаңа компьютерлік ойынды көрсету» — бұл баланы қызықтырып, оқшау жерге алып кетудің әдісі. Ата-ананың атын жамылу: «Сенің анаң ауырып қалды, мені сені алып кетуге жіберді» десе, сенбеңіз. Алдын ала ата-анаңызбен «құпия сөз» келісіп қойыңыз, оның іс-әрекетіне қарауымыз керек». Сабақ барысында бейнеролик көрсетіліп, жағдаяттық тапсырмалар, сұрақ-жауап, пікір алмасу әдістері қолданылды. Оқушылар өз ойларын еркін білдіріп, Қауіпсіз әрекет ету дағдыларын меңгерді. Сыныбы: 7 Сынып жетекшісі: Сатемір Айзира Қаржауқызы #адал