#дебат #өзін_өзі_басқару
Текст
«Ақмола облысы білім басқармасының Астрахан ауданы бойынша білім бөлімі Өндіріс ауылының жалпы орта білім беретін мектебі» коммуналдық мемлекеттік мекемесі
Коммунальное государственное учреждение «Общеобразовательная школа села Ондирис отдела образования по Астраханскому району управления образования Акмолинской области»
Қайреден Карбаев 1936 жылы Ақмола облысының Новочеркасс ауылында дүниеге келген. Қайреден Кәрібайұлының өткен өміріне тарихи шегініс жасайтын болсақ, соғыс жылдары және одан кейінгі қиын-қыстау заманда жоқшылықтың ащы дәмін татып, күнкөрістің қаншалықты қиын екенін жан-тәнімен түсінген Қайреден Кәрбаев еңбекке ерте араласты. «Әркімнің өз тағдыры- өз қолында» деген қағиданың шындыққа қаншалықты жақын екендігін қайдам, дегенмен, Қайреден Карбаевтің өміріде өз жолын табарда ешкімге иек артпай, тек өзіне ғана сенгені ақиқат. Еңбек жолын Толқынкөл ауылында мектеп интернатында тәрбиеші болып бастап, «Путь к коммунизму» кеңшарында бөлімше басқарушысы, Астрахан аудандық комсомол комитетінің хатшысы, Жарсуат кеңшарының директоры, Макин аудандық атқару комитетінің төрағасы, Теңіз және Атбасар ауданы партия комитеттерінің бірінші хатшысы, өзінің біліктілігі мен іскерлігі, табандылығы мен қайсарлығы обылыс басшысы қызметіне дейін көтерілген. Әрине, мына жалған дүниенің аз күндік қана жарық айдынында кімнің де болсын, жақсы атанып, халықтың көз алдында жүргісі келетіні мәлім . Бірақ осы мақсатқа жетудің күнгейлі- көлеңкелі сандаған жолдары және бар. Дұрысы - еңбігіңмен, бейнетіңмен, адалдығыңмен, жұртыңа тигізген пайдаңмен оңды азамат, жақсы кісі атану ғой. Күпсініп, кеуде керіп, малына киініп, маңсабыңды міндетсіген жағдайларың – жалған, уақытша, шалшыққа түскен аспан суреттері секілді, күн шыққанда бу болып ұшып, жоқ болады. Талайлар азды-көпті қызметінің қызуына елтіп, ел үстінде жүремін деп те шатасады. Халық – мұхит! Ондайларды жағалауға кезі келгенде, оп-оңай шығарып тастай салады. Ал, әлгінде айтқанымыздай , жұртың үшін жаныңды аямай атқарған адал қызметің, кіршік шалмаған, қиянаты жоқ, кісілік кескінің ғана жақсы атандырып жұртыңнан жадында есіміңді , игі істеріңді ұзаққа қалдырады. Мектебімізде Қайреден Карбаевтың туғанына 90 жыл толуына орай "Ер есімі-ел есінде" іс-шара ұйымдастырылып, ұлттық спорт түрлері бойынша ашық турнир өтті.Іс-шараға қатысқан қонақтарымыз Астрахан ауданы әкімінің орынбасары Барахоева Полина Юнусовна, аудандық ақсақалдар кеңесі төрағасы Орман Жаңбырбай Аубайұлы, Новочеркасск ауылдық округі әкімі Жанабеков Нурлан Аблайұлы Ерекше қонақ ретінде жиені Камитов Олжабай атамыз бен досы Сатемір Кәрібай қатысты.
17.04.2026
Просмотров: 1080