Аяулы да ардақты қарияларымызды құттықтаймыз!

1-қазан тынымсыз еңбектерімен мемлекетіміздің негізін

салуға жол ашқан алдыңғы буын ата-апаларымыздың төл мерекесі.Неткен шіркін

уақыт десеңші,осылайша ортамызда жүрген қарияларымыздың бір кезде елі,халқы,келешек

ұрпағы үшін жасаған игі істері ерекше орын алады.Қазіргі кезде біздің

мемлекетімізде қарттарға үлкен мән беріп,көңіл аударып,жан-жақты үкімет

тарапынан қамқорлық жасалады.Мектеп оқушылары осы күндерде қарттарымызға

қамқорлық аясында көмек көрсетуде,ауылымыздың қарт ата-әжелердің үйлеріне

барып,тазалық жұмыстарына,қысқы дайындық жұмыстарына көмектесіп жүр.Қазақстанның

өсіп-өркендеуі-еліміздің бейбітшілік тыныш өмір кешуіне өз үлестерін қосқан осы

ардақты да, аяулы қарттарымыздың арқасы деп есептейміз.Олардың өмір жолдары

бүгінгі ұрпаққа табылмас қазына. Осы мерекеге орай аудан, ауыл қарт-қарияларды

төл мерекемен құттықтаймыз.Дендеріне саулық,отбасыларына амандық

тілейміз.Ауылымыздың ұйтқысы,көркі болып ортамызда аман-есен жүре беріңіздер

деген тілекпен мына өлең шумақтарын жолдаймыз.

Құттықтаймыз мейрамыңмен аталар!

Әр күлгенің бізге бақыт саналар.

Еңбегіңді еш етпейтін өмірде,

Елің,жұртың ұл мен қызың бағалар.

Ана мейір күн көзімен пара-пар,

Тұла бойға қуат болып таралар.

Өміріме шуақ шашып әрқашан

Көп жасаңдар аталар мен аналар!