Тәуелсіздік тұғырың!

Тәуелсіздік – ұлттық тілдің, дәстүрдің, салт — сананың мызғымас тірегі, күші, алтын діңгегі, халықтың бақ жұлдызы. 1991 жыл — еліміздің Қазақстан деген атпен бүкіл әлемге алғаш қадам басқан жылы. Сол сәттен бері міне 25 жыл да қас қағым сәтте өте шықты. Қазіргі Қазақстан әлем сахнасында мақтанарлықтай беделге ие.. Қазақстан үшін, қазақ халқы үшін тәуелсіздік аспаннан түскен сый емес еді. Халқымыз бостандықты аңсап, Тәуелсіздікке зарығып жетті. Тәуелсіздік деген ұлы жеңіске қол жеткізуде әлі де жаңғырып тұрған кешегі Желтоқсанның да септігі аз болған жоқ – студент жастардың көшеге шығып үндеуі және егемендік үшін зардап шегуге дайын екендігін көрсете білуі барша халыққа сенім мен жігер берген болатын.

«Еліңнің ұлы болсаң, Еліңе жаның ашыса, азаматтық намысын болса, қазақтың ұлттық жалғыз мемлекетінің нығайып – көркеюі жолында жан теріңді сығып жүріп еңбек ет. Жердің де, елдің де иесі өзің екеніңді ұмытпа!» (Н.Назарбаев). Осы көшбасшымыздың қанатты сөзін ұстана отырып, еліміздің атаулы мерейтойы қарсаныңда патриоттық бағытта көптеген іс –шаралар атқарылуда. Нақтырақ тоқталар болсам, қаймағы бұзылмаған Өндіріс орта мектебінде қазан айының 15 жұлдызынан бастап айлық жоспары кең ауқымды тақырыптарда өткізіліп жатыр. Мектебіміздің директоры Тәуелсізідігіміздің 25 жылдығы мерейтойымен салтанатты түрде құттыктау лебізін білдіріп, ҚР әнұранының сөзін жатқа білеміз бе? деген байқауымен салтанатты жиын жандандыра түсірілді. Айлық аясында «ҚР Тәуелсіздігінің 25 жылдығына ең үздік шығармалар байқауы», «Мен өз елімнің патриотымын» мәнерлеп оқу сайысы «Шаттық шаңырақ астында менің достарым тұрады» атты татулық фестивалі, «ХХІ ғасыр көшбасшысы» интеллектуальды ойыны, «Ядролық қарусыз әлем» сурет байқауы, спорттық шаралар үстел теннисі, шахмат, тоғызқұмалақ ойындары сонымен қатар, әкімшілік тарапынан «Елбасының мемлекеттік шекараны халықаралық құқық тұрғысынан рәсімдеуі және суверинитет пен мемлекеттілігінің маңызды белгісі» тақырыбында лекция дебат ұйымдастырылды. Аталған іс-шаралар өте жоғары деңгейде өткізіліп, оқушылардың бойында ұлттық рух пен болашаққа деген нық сенімділік пен қызығушылық қасиеттері айқын көрінді. Желтоқсанның 14 –ші жұлдызында Республикалық «Жас Ұлан» ББЖҰ-на 3 және 7-сынып оқушылары қабылданады, айлықты қорытындылай келе «Тәуелсіздік жасасын» атты мерекелік концерттік бағдарламасымен өз жалғасын табады. Ия Тәуелсіздік күні — барлығымыз үшін ерекше қасиетті. Бірліктің, ынтымақтастық пен татулықтың күні. Мемлекетіміздің тәуелсіздігі-ең алдымен халқымыздың бақыты. Еліміз өлшеусіз табиғат байлығымен ғана емес, ең алдымен сан түрлі ұлттардан құралған халқымен ерекше екенін ұмытпаған абзал. Бүгінгі бейбіт те шуақты күндерді бағалай отырып, жаңа биіктерде ұмтылу – біздің буынның бағыты болуы тиіс.

Өндіріс орта мектебінің

қазақ тілі мен әдебиет пәнінің мұғалімі

Сатемір Айзира Қаржауқызы