• Басты бет
• Жаңалықтар

Жаңалықтар

• 03.03.2026 Бүгін “Өндіріс ауылының ЖОББМ” КММ 9-сынып оқушылары кәсіптік бағдар беру жұмысы аясында Астрахан аудандық агротехникалық колледжі-не барды. Сапар барысында оқушыларға колледж мамандықтары туралы жан-жақты ақпарат беріліп, оқу орнының материалдық-техникалық базасымен таныстыру жұмыстары жүргізілді. Колледж өкілдері білім беру бағыттары, қабылдау талаптары, оқу мерзімі және болашақ мамандықтардың ерекшеліктері туралы түсіндірме жасады. Сонымен қатар, оқушылар оқу кабинеттерін, зертханаларды және өндірістік шеберханаларды аралап көрді. Кездесу барысында оқушылар өздерін қызықтырған сұрақтарын қойып, толық жауап алды. Мұндай іс-шаралар оқушылардың болашақ мамандықты саналы түрде таңдауына бағыт-бағдар беріп, кәсіби көзқарасын қалыптастыруға ықпал етеді. Кәсіби бағдар беруші маман-Кабдрахманова Гүлзат
• 03.03.2026 3-сынып оқушыларымен "Алғыс айту – парызым" тақырыбындағы өткізілген тәрбие сағатына арналған анықтама: Мақсаты – оқушылардың бойында ризашылық, құрмет, сыйластық сияқты адамгершілік қасиеттерді қалыптастыру. Алғыс айту – адамның кішіпейілділігін, тәрбиесін, мәдениетін көрсететін маңызды құндылық. Бұл тәрбие сағаты барысында оқушыларға үлкенге құрмет, кішіге ізет көрсету, ата-анаға, ұстазға, достарға және Отанға деген алғыс сезімін білдірудің маңызы түсіндіріледі. Сынып жетекшісі:Байдаулетова Р.Е. #адал_азамат
• 03.03.2026 Алғыс айту күні аясында Өндіріс ауылының жалпы білім беретін мектебінің 6-сынып оқушыларымен «Алғыс – ізгі ниет» тақырыбында сынып сағаты өткізілді. Іс-шара барысында оқушылар алғыс айтудың адам өміріндегі маңызы, ризашылық пен сыйластықтың қоғамдағы орны туралы ой бөлісті. Олар ұстаздарына, ата-аналарына және бір-біріне деген жылы лебіздерін білдірді. Сонымен қатар, «Кибербуллингтің белгілері, қалай ерте тануға және өзіңізді қорғауға көмектесуге болады?» тақырыбында қауіпсіздік сабағы өтті. Оқушыларға интернеттегі қауіпсіздік ережелері, кибербуллингтің негізгі белгілері және одан қорғану жолдары туралы ақпарат берілді. Мамандар жасөспірімдерге күмәнді жағдайларда ата-аналарға немесе ұстаздарға хабарлау қажеттігін түсіндірді. Сынып сағатының мақсаты – оқушылардың бойында ізгілік, жауапкершілік және қауіпсіздік мәдениетін қалыптастыру. Сынып жетекшісі: Жапаров А.Қ. #адал_азамат
• 03.03.2026 #адал_азамат
• 02.03.2026 4-сынып оқушыларымен "Алғыс айту – парызым" тақырыбындағы өткізілген тәрбие сағатына арналған анықтама: Мақсаты – оқушылардың бойында ризашылық, құрмет, сыйластық сияқты адамгершілік қасиеттерді қалыптастыру. Алғыс айту – адамның кішіпейілділігін, тәрбиесін, мәдениетін көрсететін маңызды құндылық. Бұл тәрбие сағаты барысында оқушыларға үлкенге құрмет, кішіге ізет көрсету, ата-анаға, ұстазға, достарға және Отанға деген алғыс сезімін білдірудің маңызы түсіндіріледі. Сынып жетекшісі:Байдаулетова А.И. #адал_азамат
• 02.03.2026 Мектебімізде 90+1фильмі оқушыларға көрсетілді. ДТІЖО: Холганат Д.
• 27.02.2026 «Жасанды интеллект: ChatGPT көмегімен шығармашылық жазу» тақырыбында шеберлік сабағы өткізілді. Іс-шараны мектебіміздің ұстаздары Тынысбекова Жансая және Қабдрахманова Гүлзат Оразбековна ұйымдастырып, жүргізді. Шеберлік сабағы барысында қатысушыларға ChatGPT платформасының мүмкіндіктері жан-жақты таныстырылып, оны оқу үдерісінде тиімді қолдану жолдары түсіндірілді. Мұғалімдерге дұрыс сұраныс (prompt) құрастыру, мәтіндерді өңдеу, шығармашылық тапсырмалар дайындау және сабақ жоспарын әзірлеу тәсілдері көрсетілді. Практикалық бөлімде ұстаздар екі топқа бөлініп, бір топ тапсырмаларды өз идеяларымен орындаса, екінші топ ChatGPT көмегімен жұмыс жасады. Нәтижесінде креативтілік, жылдамдық және құрылымдылық тұрғысынан салыстыру жүргізіліп, жасанды интеллектіні орынды әрі саналы қолданудың маңыздылығы талқыланды. Сонымен қатар түрлі ойындар ұйымдастырылып, қатысушылар белсенділік танытты. Шара соңында заманауи технологияларды білім беру саласында тиімді пайдалану – уақыт талабы екені атап өтіліп, мұғалімдер өзара тәжірибе алмасты. Осындай мазмұнды әрі пайдалы іс-шаралар алдағы уақытта да жалғасын табады деп сенеміз.
• 27.02.2026 Мектеп мұғалімдеріне арналған «AI құралдарын тиімді пайдалану» тақырыбында практикалық сабақ өткізілді. Сабақтың мақсаты – білім беру үдерісінде жасанды интеллект құралдарын тиімді қолдану жолдарын көрсету, мұғалімдердің цифрлық құзыреттілігін арттыру және оқу сапасын жақсартуға бағытталған заманауи әдістермен таныстыру. Сабақтың негізгі мақсаты: • Жасанды интеллект ұғымын және оның білім беру саласындағы рөлін түсіндіру; • AI құралдарының мүмкіндіктерін практика жүзінде көрсету; • Сабақ жоспарын әзірлеуде, тапсырма құрастыруда және бағалауда AI-ды қолдану тәсілдерін үйрету; • Мұғалімдердің креативті және сыни ойлау дағдыларын дамыту. ЖИ жетекші: Қалдыбек Айсана
• 27.02.2026 #алғысайтукүніменқұттықтаймыз
• 27.02.2026 #алғысайтукүніқұттыболсын